mga pagbasa kuman, lunes
Determindo gadjod karadjaw an buta, si Bartimeo, na makasuod kan Hesus na idja tagtoohan na makadadjaw nan idja panan-aw.
Waya sidja magpaka-bana sa idja pagsinggit nan pagtawag nan ngayan nan Anak ni David aber kon makasamok sidja sa mga tawo.
Amo ra gadjod ini an isa ka oportunidad na makapangadjo sidja nan pabor sa Mesiyas, bahala na kon maka-disturbo sidja sa ila pakig-estorya kan Hesus.
Sa parte sab ni Hesus, Idja gadjod taghatagan nan luna an buta pinaagi sa Idja pagtawag despuwes pagpangutana kon uno may Idja gusto himoon para didja.
An sitwasyon nagpakita lamang na mamati gadjod an Diyos aber kon sin-o na tawo an manginahanglan nan Idja luna.
Tagdadjeg ni Hesus si Bartimeo kay idja man gadjod tagkilaya an pagka-gamhanan sanan pagkamakaloluy-on nan Diyos.
An pasalamat ni Bartimeo kan Hesus dili lamang kon mahitungod sa idja pagpakadawat nan regalo nan pagtoo sanan regalo nan pisikal na panan-aw kondili para sab sa oportunidad na makasunod sidja kan Kristo bilang isa ka disipulo.
Mapasalamaton ba sab kita sa Diyos na taghatagan kita Nidja nan mga mata nan pagtoo para ato Sidja makilaya na ato Ginoo sanan Mananambay?
Lord, hatagi ako nan grasya na hikit-an ta 'Kaw pinaagi sa ako hugot na pagtoo Dimo, Amen.
readings for today , monday
The blind man, Bartimaeus, is determined to get near to Jesus Whom he believed to have the power to heal his blindness.
He did not mind on the consequence of disturbing the crowd when he shouted the name of the Son of David.
This is the only opportunity for him to ask a favor from the Messiah even if he could disturb the folks around Jesus.
On His part, Jesus also gave this blind man a chance by calling him and asking him what He will do to him.
The situation clearly manifests that God really listens to the pleas of persons who ask for His time.
Jesus commends Bartimaeus because of his acknowledgment of God's power and mercy.
Bartimaeus' expression of gratitude to Jesus is not only for the gift of faith and the gift of physical sight that he received from Christ but also for his opportunity to be able to follow the Lord as His disciple.
Are we also grateful to God that He gave us eyes of faith for us to be able to know Him as our Lord and Healer?
Lord, give me the grace to be able to see you through my deep faith in You, Amen.
No comments:
Post a Comment