mga pagbasa kuman, miyerkules
Bagan pare-parehas ra an sambingay ni Jesus kuman sanan an sa ebanghelyo nan noagi na Domingo.
Amo ra gihapon an tema sa estorya: pagsalig nan hari sa idja mga suluguon.
Samtang didto pa biyahe an hari, dinhi sab nidja masuta kon katuohan sanan kasaligan nidja an idja mga binatunan sa paggamit nan kuwarta na tagsalig nidja dila.
Pagbalik nidja gikan sa biyahe, idja tagpremyuhan an mga kasaligan na suluguon nan mas hataas pa na responsibildad pero tagsilutan sab nidja an isa na wayay puyos kay waya man gadjod nidja paningkamuti na motubo an tagsalig didja na kuwarta.
Taghatag ni Jesus dato an gingharian nan hustisya, gugma sanan kalinaw pinaagi nan pagtawag Nidja na kinahanglan maghuya kita sa gingharian na Sidja an Ginoo sanan Hari.
An Idja pagkamatay sa krus amoy hinungdan nan kadaugan nan katubsanan nan ato mga saya batok sa Diyos.
Ugsa na tagsaligan kita Nidja nan mga regalo sanan grasya na tag-ibanan nan kagawasan para nato magamit sa ato paghuya nan kinabuhi na udjon sa gusto nan Diyos.
Wayay nada badja gadjod para sa Diyos an mga tawo na iresponsable kay an gusto ra man gadjod Nidja an mga tawo na kasaligan sanan responsable sa paggamit nan mga grasya sanan regalo na Idja taghatag.
Ginoo kong Jesus, rendahi an ako kasing-kasing sanan huna-huna para mahimo ko an igsakto na paggamit nan Imo mga regalo, grasya, oras sanan katigadjunan para sa Imo glorya sanan gingharian, Amen.
readings for today, wednesday
The parable in last Sunday's gospel was almost the same with what we have today.
The theme of the story is the same: trust of the master to his servants.
While the master was on travel, his trust and confidence to the servants are tested through the disposition of the money that he entrusted them.
At his return from travel, he rewarded the faithful servants with higher responsibilities but he punished the inutile one because of his inability to think on ways and means how the money entrusted him makes profits.
Jesus offered us a kingdom of justice, love and peace by calling us to live in an atmosphere where He is Lord and King.
Jesus' death on the cross becomes the salvation of our sins against God.
It is for this reason that He untrusted to us the gifts and the graces that He gave us, with the accompanying freedom so that we can be responsible in using them for the lives that conform with God's plans for us.
God abhors irresponsible people because what He wants are men and women who could be entrusted and responsible in using the graces and gifts that He bestows on them.
Lord Jesus, guide my heart and mind through Your Holy Spirit so that I can perfectly use the gifts, grace, time, and resources that You gave me for Your glory and magnificence, Amen.
No comments:
Post a Comment